طمينة اللوز القسنطينية بنة لا توصف
سر نجاحها في طريقة طيابها ...
إفتح في تطبيق كوكبادالخطوات
- 1
نحضر 3 كيلات لوز مرحي بأي كيل نحبو (إذا أول مرة رايحين تجربوها كنصيحة كيلو بصحن صغير) كيلة مخلطة بين الماء ورد مقطر (أو ماء ورد عادي) والحليب وملعقة صغيرة زبدة حرة (أو زبدة عادي) كيلة غير صبع سكر عادي
- 2
نضع في كاسرونة تقيلة أو كوكوط أو أي قدرة المهم ماتلصقش فوق نار دليلة الزبدة و السكر ونخلطهم مدة دقيقة ونضيفلهم اللوز ونخلطهم 15 ثانية ونضيف الكيلة المخلطة بين الماء ورد والحليب نضيف ونحرك في نفس الوقت (سامحوني نسيت ماصورتش كي حطيتهم في الكاسرونة) كيلة مخلطة بين الماء ورد مقطر (أو ماء ورد عادي) والحليب
- 3
ونحرك دايما فوق نار دليييلة بالمغرف تاع لحطب ونبقى نحرك نحرك دون توقف مدة 45 إلى 50 دقيقة
- 4
حتى نشوف لعجينة بدات تتلم وماتلصقش في الكاسرونة كي نجربو نكركبوها باليد تتكركب عادي مانشفوهاش بزاف باه ماتجيناش يابسة و قبل ما نحطها فوق السكر قلاس نطفيو عليها ونخليها تبرد دقيقة أو دقيقتين باه كي نحطوها على السكر ماتشربش هداك السكر
- 5
فوق بلاطو (من الأحسن يكون محلول باه نقدرو نقصوها) نرش سكر قلاس بصفاية ونحط فوقها العجينة نطرحها على شكل مستطيل نطرحها تقريب 2 صوابع أو 3 في العلو لأنها تجي عالية شوية باه تجينا الحبة مليحة ونخليها تبرد ساعة ونزيد نرشها من فوق بالسكر قلاس ونخليها تبات ليلة كاملة باه نقدرو نقصوها
- 6
نزينها بشوية ورد طبيعي و تكون جاهزة بإذن الله.بالصحة إن شاء الله
Keywords
وصفات مشابهة
وصفات ننصحك بمشاهدتها
التعليقات (4)