نخلط الماء والحليب والسكر واازيت ونحطهم في كسرونة يدفاو ثم نضيف الخميرة نغطيها بسيلوفان ونخليهم يختامرو ومبعد كي نشوف فقاعات نبدأ نجمع بالفرينة حتى نتحصل على عجين طري نعجنو شوي ونغطيه نخليه يخمر

نقطع البصل والثوم والطماطم ونضيف عليهم شوي زيت ونزيد الطماطم المصبرة والملح والفلفل الأسود والرند والزعيترة ونص كاس ماء ونخليهم يتقلاو جيداً ثم نضيف سكر ومبعد نرحيها في ميكسور

نجيب العجينة نقسمها الى كويرات ونبسطها ونحط علها الصلصة وندخلها طيب وكي نعرفها طابت نرش عليها جبن وزيتون اخضر واسود وندخلها باش يذوب الجبن نجبدها ونرش عليها معدنوس (بقدونس) مقطع