بقلاوة بالعجينة المورقة مع اسرارها سهلة بزاف 🍯🍯🍯
هذه الوصفة هي المعتمدة عندي تجي بنيينة و درجة التحمير نتوم تتحكمو فيها.🍯🍯🍯🍯
بقلاوة بالعجينة المورقة مع اسرارها سهلة بزاف 🍯🍯🍯
هذه الوصفة هي المعتمدة عندي تجي بنيينة و درجة التحمير نتوم تتحكمو فيها.🍯🍯🍯🍯
إفتح في تطبيق كوكبادالخطوات
- 1
في جفنة نحط الفرينة (طحين) مع الزبدة والبيضة ولحظة (حليب بودرة) ونجمع ضربة وحدة (بلا منبسس) ونجمع بالماء وماء زهر نتحصل على عجينة منديرهاش يابسة بزاف باش تساعدني نقسمها على 6 كريات. 👐👐👐👐👐
- 2
ونحكم بالوحدة نحلهم بالمايزينة بطول فقط ونحطهم في جهة ونبدأ العمل بالالة 👐👐 نحكم الاولى نرشها بالمايزينة من الجهتين ونحلها في رقم 2 ثم نزيدلها المايزينة ونجوزها في رقم 4 ثم نزيدلها المايزينة ونجوزها في رقم 6 يخرجلي شريط طويل نطويه على 2 مننساش نرش المايزينة منتحت وفي الوسط ومن فوق
- 3
نرش كمية معتبرة من المايزينة فوق العجينة والطاولة ونحل العجينة الفيلو ديالي (نزيد نعرضها حتى تولي عريضة اكثر من الصينية ب 2سم والطول ايضا) متخافوش اذا الوجه بانلكم راه يتقطع لانو كي نحطها في الصينية نحطها على الوجه السفلي. 👐👐 تاخذلكم شويا جهد وقوة هنا ماء ماشي خسارة فيها
- 4
ثم نكرر نفس العملية مع باقي الكرات وكل ما نطوي الشريط على 2 نحطو فوق الشريط الاول المهم نرش المايزينة بين كل ورقة و ورقة. اذا تحصلنا على 12 ورقة والعجينة راهي تبان سمكها خشين وطوييلة وماشي عريضة 👐👐
- 5
وندخل الاطراف مليح بواسطة سكين (نحبطهم للتحت كلي نغلق فيها) ونقطع الحبات تاع البقلاوة كيما زمان مقروطات او موداغن مستطيلات او مربعات و نرشقهم باللوز ونزيد السمن الذايب حتى ميتكسرلناش الوجه وندخلها الفرن تطيب من تحت ثم من فوق
- 6
ندهن الصينية بالسمن ونحطها فوق العجينة ونقطع (نزيد عدة ملمترات من كل الجوانب باش تجي سواسوا مع الصينية ونقطعو الزايد) نحط الحشو بالتساوي ونرشو بالسمن الذايب ونزيد نقطع الطبقة الفوقانية نديرها اكبر من السفلية ونحطها من فوق (متنساوش حطوها على جهة السفلية تكون شابة)
- 7
وتخرجيها من الفرن مباشرة نسقيها بالغراف بالعسيلة تكون باردة ماشي سخونة وثقيلة ماشي خفيفة حتى نشوفوها تغطات نخلوها تتشرب ليلة كاملة وفي الصباح تكون واجدة 👏👏
- 8
ونرجعوهم للنار الهادئة حتى يذوب السكر تماما وتنسجم الكراميل مع الماء ونزيدو للنار نخلوها تطيب اي تستوي وتتقال نحوها ونخلطولها باطة صغيرة عسيلة المرجان تجي بنينة وتزيد تثقلها وتمدلها عطر رائع
- 9
نلاحظو بلي تطيب اي تستوي وتتورق تزيد علوها ونحمروها ونساعفوها نخلوها تطيب اي تستوي مليح من تحت راح تاخذ وقت اذا خفتيها تتحرقلك او تقعد خضره ممكن تنحي حبة من الطرف تشوفي تحتها الاحمرار وترجعيها عادي بعد ما تحمريها حسب الذوق
- 10
الحشو قلت حسب حجم الصينية نحط اللوز او الكاوكاو محمص ومرحي ماشي محروق ونزيدلو السكر ورشة كبيرة ماء زهر ونفتلو شويا ويصبح جاهز
- 11
العسيلة نحكم 1كغ سكر ننحي منو 4 ملاعق نزيدلهم 4 ملاعق ماء (من 1ل) ونحطهم في كسرونة يتكرملو شويا على نار هادئة مع قطعة شب وليمون نتحصلو على لون ذاهبي غامق ننزعو من النار ونصبو باقي كمية السكر والماء
- 12
اسمحولي طولت عليكم واسمحولي مقدرتش نوفرلكم صور العمل نتمنى تفهمو الشرح🌹🌹🌹
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (7)