مقرود قسنطيني بطريقة ممتعة
سلطان صينية العيد
إفتح في تطبيق كوكبادالخطوات
- 1
ندير 3 كيلات دقيق أنا استعملت بن حمادي ونبسسوه بكلية سمن ونكمل نفيضها بزبدة يعني تقريب كيلة سمن وقل على الربع زبدة ونحكوه مليييييح بين اليدين ونخليه يبات ليلة ولكان درناه في الصباح نخليه حتى لليل ونبلوه(هو قد ما يرتاح يجي مليح إن شاء الله)نبقاو نبسسو فيه حتى نديرو كعبورة وكي نلوحوها في القصعة ماتحلش..
- 2
نحط الملح ونحلوه بالماء زهر والماء
- 3
ونبلوه بالكيلة المخلطة ما بين الماء و الماء زهر و مانعجنوهش غير بصوابع يدينا
- 4
نلموه برك ونخليه يرتاح الوقت لي نوجد الغرس بالقرفة و القرنفل والجلجلانية المحمصة(الطريقة موجودة في وصفة الغرس).. بعدها نشكل كويرات من العجينة وزن 25 غ والغرس وزن 10 غ
- 5
نطرح العجينة بين الأصابع ونضع الغرس في الوسط ونضع الكويرة في طابع البيسطولي ونضغط عليه يتشكل بكل سهولة
- 6
نحطوه في البلاطو من الأحسن الحبات يكونو متباعدين شوية وندخلوه في الفرن مسخن من قبل أو نطيبوه في المخبزة
- 7
بعد ما يطيب (يستوي)نحطو شوية عسل وماء زهر ونشحروه والحبة لي نشحروها نحطوها في كسكاس باه تقطر ونحطوهم في صحن التقديم.. وعندما نريد الإحتفاظ به نحطوه في محبس و نغطيه.يبقى محافظ على طعمو و طراوتو أطول مدة.. وبالصحة إنشاء الله.
Keywords
وصفات مشابهة
وصفات ننصحك بمشاهدتها
التعليقات