في إناء نضع السميد والملح ونبل بالماء بالشوية بالشوية حتى تتشرب مليح وتتكون عندي عجينة لينة نوعا ما نغطيها ونخليها ترتاح

نحكم كلا من الجزر والبصل نقشروهم في كسرونة او طنجير نبشر الجزر ونرابي البصل ماترابيش مليح نص نص ونضيف الملح ونحطه فوق النار يطيب (يستوي)شوية غير يتغير لون تاعه شوية نقفلو عليه والنار لازم تكون عالية باش ماتطلقش الماء تاعها نحيها من فوق النار زيدي طماطم معلبة حوالي زوج مغارف كبار وراس الخانوت وكركم وزيانة ونخلطوهم مامل نزيد الطماطم حب وفلفل حار حسب الرغبة

بعد ما ارتاحت العجينة نعجنها مليح ونبدا العمل ندير دوائر ونحل زوج بهذة الطريقة👇 وندير قليل من الحشو بشرط تكون باردة الحشو لوكان تديروها سخونة تتقطع العجينة ونحلها مليح ونحطها فوق الطاوة وهي سخونة طبعاا

كي تطيب من جهة اقلبيها للجهة الثانية حتى تطيب وتتحمر مليح انا درت الاولى بلا فلفل حار لأولادي😊والثانية حارة😋😋شوفوها👇تقطعتلي شوية من التحت بيسك كثرتلها الحشو بصح نورمال خليتها حكمت روحها وقلبتها عادي نموت على هذا اللون في المحاجب ولا أروح بالصحة والهناء حبيباتي 😎حبيت نصورلكم الخطوات بالتفصيل بصح الله غالب نطيب ونصور وحدي ماقدرتش وتعرفو الزيت في يديا نوض نغسلهم ونرجع نطيب حصلت يا محاينك😂😂😂المهم ان شاء الله تكونو استفدتم من وصفتي اليوم بالشفاء عليكم كامل وصحا فطوركم😘😍😚😙نحبكم بزاف 😙