نحكم البطاطا نغسلها مليح و نحطها بقشورها في الماء و الملح تغلي حتى طيب

وزيد نطيب اللحم المرحي نتاعي بنفس الطريقة نتاع الدجاج غير واش ما نمرقش كي يطيب (يستوي)اللحم و ينشف من الماء نتاعو نقطع المعدنوس (بقدونس) و نربي شوية فرماج (جبنة) فيه من بعد نحكم البطاطا نتاعي نقسمها على زوج و نفرغها من دخل و نعمرها باللحم مرحي و نستفها في البلا نتاعي كما رآه موضح في الصورة

ندرلها الفرماج من لفوق و ندخلها للكوشة يذوب الفرماج تبدأ تغلي شوية المرقة نخرجها و بصحة و الهناء

ملاحظة مهمة البطاطا لي نحفروها تقدري ديري بيها معقودة ولا كريات البطاطا معمرين فرماج (جبنة) ولا سفرية ولا اي حاجة انتي حرة