في إناء واسع نفرخ كيلات السميد يكونوا فايضين. ونزيد عليهم كيلة السمن والزيت. ونرملهم بايدي مليح. ونضيف قرصة ملح وملعقتين فرينة. ونخلط جيدا. ونغطي الخليط ونخليه يبات ليلة كاملة.

نحضر التمر (الغرس). ننزع النواة ونعجنو بالزيت وماء زهر. ونضيف عليه الجلجلان. ونشكلو حرابيش.

وأخيرا نبدأ ننزع شوي خليط ونضيفلو ماء زهر ونشكل حربوش نحلو ونضع وسطو التمر. ونغلق ونسويه مليح. ونقطع مقروضات. نقليهم في زيت سخون على نار متوسطة حتى ياخذو لون ذهبي. ومباشرة نعسلهم. وبالصحة والهنا