في إناء نحط المارقارين والسكر الناعم نخدهم مليح منبعد نضيف زوج صفار بيض وزوج كاملين ولفاني وخلطيهم مليح بالفوي وزيدي نص كاس زيت وكاس ميزينه وباكي خميره والفرينه حسب الحاجه حتى تتلايم عجينه طريه نغطيها ونخليها ترتاح ربع ساعة

نوزنها كريات تاع خمسه وعشرين ولا تلاتين ڨرام على حساب لمول ديالك ونشكلهم وندخلهم يطيبو بالفرن

بعدما يطيبو جوزي عليهم المعجون بالبانسو ورمديهم فالقطايف لي تكوني حمستيهم في الفرن وفتتيهم

منبعد عمريهم في الوسط بكريمة الكراميل توفيا والتزين اختياري لوز ولا جوز ولا عقاش