نحط اللحم يتقلى في الزيت وبصله مفرومه وملح وفلفل اسود يتقلا مليح نضيفلو مغرف صغيره راس الحانوت وقصبر مرحي وزوج سنات ثوم ومعدنوس ونمرق بالماء السخون ونغلق لاكوكوت ديالنا ونخليه يطيب ونديرو البيض يغلي ونوجد اللحم المفروم نزيدلو نص حبه بصل مفرومه وفصين توم ومغدنوس وملح وراس الحانوت وقصبر مرحي وفلفل اسود وحبه بيض وزوج مغارف لاشابليوغ كبار ومغرف مارڨرين صغيره باش يبقى طري ونخلط

بعدما يطيب اللحم نحل عليه ونقي البيض ونحط يدي فالما ولا فالزيت ونغلف البيضه باللحم المفروم ونحطهم مع اللحم ونحط الحميصه تكون طايبه بالطبع ونخليهم يكملو طياب بعدما يطيبو نحكم مغرف فرينه نحلحلها في فنجال ماء بارد ونفرغها فوق طاجين الرخام ديالنا باش يعقد نخليه يتشكشك شويه ونطفي ورشه معدنوس وبالصحه والعافيه عليكم