كاتو عيد ميلاد
عيد ميلاد بنت صديقتي يتيمة الاب فحبيت فرحا وعملتلا اكلات طيبة وفرحت فيهن كتير
كاتو عيد ميلاد
عيد ميلاد بنت صديقتي يتيمة الاب فحبيت فرحا وعملتلا اكلات طيبة وفرحت فيهن كتير
إفتح في تطبيق كوكبادالخطوات
- 1
منجهز الكاتو بالخفاقة الكهربائية البيض مع السكر منخلطن منيح بعدا مننزل شوي شوي الزيت والحليب ومنخلط ومنفضيه عصحن غميق ومننخل فوقو الطحين والبكنغ بودر والفانيل ومنحركن من تحت لفوق عمهلنا ومنصبو بقالب مدهون طحينية ومندخلو عفرن محمى سابقا 10 د لمدة 45 د او 40 د
- 2
وكاتو النسكافيه نفس الخطوات بس منغلي النسكافيه مع الحليب ومنتركن يبردو ومنتابع الخطوات ومنخبزا
- 3
منخفض علبة كريمة شانتيه بنكهة فانيليا او كاكاو مع الحليب لحتا تسمك ومنحطا بالبراد لتسمك شوي ومنجهز كريمة الزبدة: منخفق الزبدة ليتغير لونا ومنضيف السكر منخفق منيح بعدا منضيف الفانيليا والحليب منخفق بسرعة بس يتجانسوا ببعضن منحطن بالبراد شي ساعتين
- 4
منجهز عجينة السكر : المي والزيت والمارشملو عنار وسط ليدوب المارشميلو بس داب منحط فوقو الفانيل واذا بدك العجينة بيضا لاتحطي ملون واذا بدك غير لون ضيفي ملون وتركيه يغلي غلوتين تلاتة بعدا اطفي النار وحطي السكر ع دفعات وحركي بس تشوفي العجينة صارت تلف عالمعلقة رشي ع سطح صلب سكر بودرة ونزليها وعجنيها وضلي عم تحطي سكر وعجني لتخلص كمية السكر ولحتا تشوفيا صارت عجينة كويسة بعدا دهني ايدك بنقطتين زيت ومسحي العجينة وغلفيا ومالازم تحفظيا بالبراد مشان ماتتشقشق
- 5
بس يبردو الكاتويين منقطع كل واحد نصفين مع ازالة الطبقة الارضية لكل كاتو ومنطبق طبقة فانيليا ومندهن كريمة شانتيه بعدا طبقة نسكافيه وكريمةوهيك ليخلص الطبقات والكريمة واخر طبقة مندهنا كريمة الزبدة ومنغلف الكاتو بكريمة الزبدة من كل الاتجاهات ومنحط الكاتو بالبراد
- 6
اخر خطوة منجيب العجينة ومنفردا عسطح مرشوش سكر بودرة لحتا تصير السماكة يلي بدكن ياها وبتحطوا عالكاتو وبتزبطوها وبتشيل الزوائد منا وانتو شكلو من العجينة شو مابتحبو وصحتيين وهنا
- 7
ملاحظة :لازم الكاتو تعملوه قبل بنهار وتحطوه بالبراد وتاني نهار تزينوه
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات