بيتزا 😍
#تحدي_العجين عجينة المايونيز السحرية 😍😄
إفتح في تطبيق كوكبادالخطوات
- 1
الاول هنجيب الخميرة والسكر ندوبهم في الربع كوب ماء دافئ ونغطيها بحاجة ونسيبها عشان لما تعلي وتعمل رغوة عالية نتاكد ان الخميرة شغاله
- 2
هنحط النواشف على بعض الدقيق و البيكنج والملح واللبن البودرة ونخلطهم كويس
- 3
هنجيب طبق ونحط الزبادي والمايونيز ونضربهم بالمضرب كويس وبعدين نزودلهم الخميرة اللي اختبرناها ونضرب تاني
- 4
نحط السوايل دي على الدقيق ونعجن كويس ولو احتاج ماء دافية نزود حبه بحبه ونعجن العجينة مش اقل من ربع ساعة لحد ما نحصل على عجينة طرية وناعمة مبتلزقش في الايد ولا الطبق
- 5
هنمسحها بزيت بسيط ونحطها في طبق اكبر منها ونغطيها كويس ونسيبها ساعة تختمر في مكان دافي
- 6
نجهز اي حشوات حابينها ولازم تبقي حشوات مستوية انا عملتها بفاهيتا لحمة وب لانشون وبنحط مع الحشوة زيتون مخلي وجبنة موتزاريلا وبندهن وجه البيتزا ب صلصة البيتزا سواء جاهزة او نعملها في البيت
- 7
نأخد بالنا لما نفرد البيتزا يكون سمكها رفيع عشان هتزيد في الفرن ونخرمها بشوكة اخرام متباعدة من النص ونسيب الاطراف من غير تخريم وبعدين ندهن الصلصة ونحط طبقة موتزاريلا وبعدين الحشو وكمان طبقة موتزاريلا
- 8
هتخش فرن سابق التسخين درجة حرارة ٢٢٠ بتأخذ حوالي ربع ساعة وممكن نفتح الشواية عشان تلون والجبنة تسيح وبألف هنا 🌺
كلمات ذات صلة
وصفات مشابهة
وصفات ننصحك بمشاهدتها
التعليقات