اولا هنعمل الكيكة في طبق همخلط الدقيق مع الكاكاو مع البيكنج بودرة ونسيب الخليط ده على جمب وفي طبق تاني ناشف هنحط البيض مع الفانيليا ونضرب بالمضرب الكهرربي لحد اما القوام يبيض ويبدأ يعلي

وننزل بالسكر على مرحلتين نص الكمية في المرحلة الأولى ونضرب والتاني ونضرب لحد اما القوام يعلي الضعف ويبيض، المضرب كده مهمته خلصت في الكيك

هنجيب قوالب الديسباسيتو او في صينية عادية الومنيوم ونصب خليط الكيك بس اهم حاجة الخليط ياخذ ⅓ مساحة القالب او الصينية وندخله فرن سابق التسخين على درجة حرارة 180 في الرف الوسطاني على نار هادئة بتأخذ في الفرن تقريباً من20 ل30 دقيقة على حسب فرنك

هنحط على خليط الكيك الزيت ونقلب بمعلقة سيليكون او خشب في اتجاه واحدة وبراحة جداً بعد كدة هننزل بخليط الدقيق على 3 مراحل واحنا بننخلوه وبعد كل مره نقلب براحة وفي اتجاه واحد لحد ما كل المكونات تمتزج مع بعضها وكده خليط الكيك خلص

واثناء ما الكيك في الفرن هنعمل الصوص اللي هنسقي بيه هنجيب كباية اللبن ونقلب فيها الكاكاو المحلي ونصبهم على جنب وفي طاسة على نار متوسطة هنحط السكر ومتقلبوش لحد ما¾ كمية السكر تذوب نبدأ نقلب ونصيبه لحد ما ياخذ لون بني كدا

وننزل بالسمنة او الزبدة ونقلب كويس اوي لحد ما ينتزجوا مع بعض وننزل بكوب اللبن مع الكاكاو المحلي ونقلب كويس لحد ما الكراميل يذوب في اللبن وياخدوا مع بعض غلوة ونطفي عليهم ونصيبه يبرد

بعد ما الكيكة تطلع من الفرن نسبها تبرد ونخرمهاا كتير بخلة الاسنان ونسقيها بالخليط اللي فوق دا👆😹 بعد مايبرد ونصيب الكيكة تشرب الصوص براحتها ونروح نحضر الطبقة الثانية👈

موس الشوكولاته المرحلة الاولى هنجيب الحليب/اللبن ونذوب فيه السكر والكاكاو ونحط الخليط ده في حلة على النار النار تكون هاديه يذوب ياخذ غلوة واحدة بس مش اكتر علشان ميمرارش مع الشوكولاته واول ما ياخذ الغلوة ننزل بالشوكولاتة وتكون مقطعة قطع صغيرة علشان تسيح بسرعة وقلبي لحد ما تسيح

اقفلي على النار بعد ما الشوكولاته تسييح واول ما تقفلي على النار والخليط سخن كدا انزلي بصفار البيضة وقلبي بسررعة وانتي بتحطي الصفار الخليط السخن ده هو اللي هيسوي صفار البيضة وحطي الفانيليا وقلبي كويس اوي

هنحضر موس الشوكولاته المرحلة التانيه في طبق عميق حطي الكريم شانتيه مع الحليب وممكن ياخذ حليب اقل او اكتر فا لازم تزودي الحليب شوية شوية واضربي بالمضرب الكهربائي لحد ماا القوام يعلي والقوام يبقى خفيف شوية ونحط على الكريم شانتيه بعد ما اتعمل خليط موس الشوكولاته المرحلة الاولى بعد ما يبرد شوية كل الخليط ماعدا ربعه يعني ¾ الخليط وقلبي بالمعلقة كويس

الشوية اللي سبناهم من الخليط ده هنستخدمهم في التزيين

هنجيب بقى الكريم شانتيه ونوزعه على القوالب بالتساوي او في الصينية ونجيب الشوية اللي سبناهم من خليط موس الشوكولاته ونحت عليهم 2 ملعقة كبيرة لبن او اكتر على حسب ما الخليط يخف معاكي عايزين القوام اخف من قوام الكيك بشوية

ونحط على القوالب خطوط كدة بالعرض ما بين كل خط والتاني مسافة حلوة ونجيب خلة الاسنان ونعمل خطوط عليها رايح جاي هيبقي شكلها حلو اوي او حطي الصوص بطريقة عشوائية وكسري عليها اي نوع شوكولاتة زي الصورة كدا او اعملي اللي عايزة التزيين ده اذوااق

وحطيها في الثلاجة ولازم تغطيها الاول بكيس او بأي حاجة