نحضر كل المكونات ونبدأ على بركة الله، نوزن المارغرين من الأحسن تكون طرية بدرجة حرارة المطبخ، نحطها في إناء نضيف عليها السكر وعطر مركز الشوكولاتة مع رشة الملح ونخلط الكل بالضراب الكهربائي.

ملاحظة مهمة: ✔ الكاس اللي عبرت بيه سعته 200 ملل.

نخلط كل جيدا ثم نضيف بالتدريج الزيت مع الخلط المستمر حتى تتجانس كل المكونات، ثم نضيف زوج حبات بيض.

ونخلط مليح حتى يصبح المزيج كريمي ثم نضيف ملعقة المكسرات محمصة ومطحونة وندخلها مليح في الخليط.

ثم نضيف النواشف (الكاكاو البني المر، الخمارة والفرينة) نغربلهم بطبيعة الحال، نخلط الكل جيدا.

ثم نضيف قطع الشوكولاتة ندخلها مليح في المزيج ونكمل نضيف الفرينة بالتدريج حتى نتحصل على عجينة متماسكة وفي نفس الوقت طرية تشبه لعجينة الصابلي.

ملاحظة:✔ الفرينة دات معايا 4 كيسان (مقدار الفرينة يبقى بالتقريب على حسب درجة امتصاص الفرينة للسوائل وكذلك على حسب حجم حبات البيض).

وزنت 25 غ للحبة، نوزنهم كامل ونفرغ كمية من سكر الحبيبات في غرفية مع كيس سكر فانيلا ونخلطو مع السكر.
نحط الكرية على جهة وحدة فقط في السكر ونحطها في الطابع كما هو موضح في الفيديو.

نكمل كل الكريات بنفس الطريقة ونستفهم في صينية مفرشة بورق الزبدة، ندخل الصينية للفرن المسخن مسبقا على درجة حرارة متوسطة مدة 20 دقيقة بالتقريب.

كي طابت من تحت طفيت عليها وشعلت عليها من فوق، تاخذ لون موحد جميل ونطفي عليها، كي طيب نحط حبات الحلوة فوق مشبك باش تبرد.

وقدّمتها بألف صحة وهنــا 😋👌🏻😋

تجي خفيفة ومقرمشة روعة مع كاس قهوة حليب 🍪😋🍪

تحفظ في علبة محكمة الغلق للحفاظ على قرمشتها👌🏻🍪👌🏻 وشهية طيبة للجميع🥰.