إفتح في تطبيق كوكبادالخطوات
- 1
نحضر العجينة بخلط مكونات ثم نضيف سمن وزيت ليكون بارد ونمزجهم مليح ثم نضيف حوالي نصف كيلة ماء الزهر اواكثر شوي ونطم حتى نتحصل على عجينة نغلفها بكيس غذائي ونخليها ترتاح على أقل ساعتان
- 2
نحضر الحشو بخلط اللوز وسكر وفانيلا وقرفة ثم نضيف بشوي ماء الزهر ونعجن مليح حتى نتحصل على عجينة نغلفها ونخليها ترتاح
- 3
نوزن العجينة كرات 30غ والحشو 15غ
- 4
نشكل تشاراك ونحطو في صينية الفرن ونخليه يرتاح حوالي 5 ساعات ثم نطيبو باه يبقى محافظ على شكل نتاعو
- 5
نحضر طلية عادي ونقسم على 3 كمية الاولى هي الاكبر نخليها بيضاء وكمية ثانية تكون قليلة نضيفلها ملون بني وثالثة نضيفلها ملون اسود ويمكن نعوضو بكاكاو
- 6
نضع طلية بني في جيب حلواني تاع بلاستيك ونقطع قليلا منو بالمقص بحيث يكون خط رفيع
- 7
ونفس عملية مع طلية باللون الاسود
- 8
نطلي تشاراك تاعنا بطلية بيضاء وفي نفس الوقت نضع دوائر بطلية سوداء ونعمرها في الوسط بطلية البني
- 9
نخليها تنشف ليلة كاملة ثم نلمعها بملمع ذهبي ونزينها بوردة لنكون خدمتها بعجينة سكر ولمعتها ثاني
وصفات مشابهة
وصفات ننصحك بمشاهدتها
التعليقات (14)