نبدا اولا تحضير المرق نجيب قدر نحط فيه قطع الدجاج والخليع ونحط عليهم البصلوالثوم مفرومين ونحط التوابل والفلفل الاسود والزنجبيل والعكري الحار ونحط الملح وم ك زيت ونحطها على النار تتقلى ثم نحط الطماطم المصبرة ونقلي مليح ثم نضيف الحمص والجزر والبطاطا ونمرق بالماء ونخلي كلشي يطيب

بعد ذلك نجيب البركوكس (عيش) يكون فاير من قبل ويابس نحط عليه كمية ماء ونصفيه ونخليه في قصعة يجف ثم نبدا نفور فالغيش تاغي فالكسكاس فوق المرق حتى يتحصل على حبات عيش طرية نحطها فالقصعة ونخليها على جنب

الخطوة التالية نضيف كمية الحليب للمرق بعد ما طاب ونحط كمية من العيش في طنجرة ونصب عليها المرق ونحطها على النار حتى يتشرب البركوكس المرق

فالاخير نجيب صحن كبير او قصعة صغيرة نفرغها فيها البركوكس تاعي ونحط عليه الخضر لي طيبناها معاه وقطع اللحم والخليع وحبة الفللل الحار ونضيف عليه كمية من المرق وبالف صحة