نحضر اولا المرق نجيب طنجرة نحط فيها قطع الخليع وقطع اللحم ونحط عليهم البصل والثوم مرحيين ونبدا باضافة الملح والتوابل ثم نضيف الجزر والفول والحمص ونحطها على النار تتقلى مليح

بعد ماتقلات مليح نضيف الطماطم المصبرة ونواصل التقلية ومن بعد نمرقها بالماء ونغلق عليها ونخلي المرق يطيب

في هذه الاثناء نجيب العيش تاعي نحطو في كسرونة ونضيف عليه الماء ومن بعد نصفيه ونخليه ينشف من الماء ونبدا نفور فيه في كسكاس في كل مرا حتى يطرا ويتضاعف حجم الحبة

بعد مافار العيش نحيه ونحطو في قصعة ونخليه يبرد ونرجع للمرق تاعي نحل عليه طنجرة الضغط ونحي البطاطا تاعي واللحم باه مايتفتوش ونحطهم في كسكاس ونضيف الفلفل الحار للمرق ونخليه حتى يثقال المرق ونطفي عليه

نجيب نصف لتر حليب نحطو يفيض على النار ونضيفو عالمرق تاعي ونجيب كسرونة نحط فيها كمية العيش ونضيف عليها المرق ونحطها على النار تتشرب المرق مليح ونحيها من على النار

الاخير نقدم العيش تاعي في صحن التقديم