نبدا اولا بتحضير العجين نجيب قصعة ونحط فيها السميد وباقي المكونات ونخلطها مليح باليد ثم نبدا نلم فيها بماء دافي ونبدا نطري فيها بالماء تدريجيا ونخلطها باليد فقط حتى يذوب كامل السميد (انا خدمت البغرير بطريقة زمان دون ميكسار)

بعد ماحليها مليح نجيب كسرونة ونفرغ فيها الخليط تاعي ونجيب غراف ونخلطها مليح مدة دقايق ونغطيها ونخليها تختمر دقايق

الخطوة التالية نجيب طاجين طين ونحطو على طابونة يسخن وندهنو بصفار للبيض ونبدا نطيب فالبغرير تاعي حتى نكمل كامل الكمية ونحطهم على طرشونة نظيفة

فالاخير نذوب كل من الزبدة ونجيب السكر ونبدا نسخن بالورقة فالطاجين ونحط فالصحن ونرش عليها السكر هكا كل مرةحتى نحط كمية معتبرة ونبدا نصب عليها فالزبدة فغراف او مغرف حتى تهبط الزبدة لكامل الحبات ونقسمها بسكين الى مربعات ونلفها وتقدم بالف صحة وعافية

هذا شكل النهايئ للبغرير او الغرايف