باسم الله والصلاة والسلام على رسول الله 🌹 أولا نغسل الشوفلور مليح بالماء وقطرات من الخل ونقطعه ونحطو يغلي في قدرة بها ماء وملح وفص ثوم ورقة رند و قليل من الزنجبيل حتى يطيب ، بعدها نصفيه جيدا ونفتته ونحطو في پيراكس ،كذلك نقص البطاطا و نغليها مع شوية ملح ،في قدرة صغيرة نبشر البصلة الأولى مع باقي الثوم ونقليهم مع قليل من الزيت ونضيف قطع الدجاج ونتبلهم بقليل من الملح،الفلفل الأسود والزنجبيل ونمرق قليلاً،لما يبرد الدجاج الطازج نفتته ونحطو في مقلاة مع حبة بصل مقطعة رقيق مع قليل من الملح ونقليهم شوية،

ثم نضيف عليهم الطماطم المصبرة ونحرك ونزيد القليل من مرق الدجاج حتى نتحصل على صوص خاثرة لكن ليست ناشفة ، بعدها نحضر البيشاميل بتحميص الزبدة والفرينة في كسرونة على نار متوسطة لمدة 7دقاىق مع التقليب ثم نضيف مرق الدجاج دائما على نار متوسطة مع التحريك المستمر لما تبدا تثقل البيشاميل نضيف الملح(لا نكثر) والفلفل الأسود ونحرك دائما حتى نتحصل على قوام ثقيل هنا نضيف الجبن ونطفئ النار. نرجع للپيراكس الي فيه شوفلور مفتت نزيد على جوانبه قطع البطاطا المغلية ونصب فوقهم صلصة الطماطم ونحط فوقها قطع الجبن الأبيض

ثم نسكب صوص البيشاميل عليه ونرشهم بالجبن المبشور ثم ندخلهم فرن ساخن مسبقاً على 190درج.حتى تمتزج الصلصات مع بعض ويذوب الجبن ،نقدم الطبق بالشفاء والهناء 😍 صدقوني بنة عظيمة 👌 لمن لا يحب الشوفلور مثل أولادي كذلك راني أضفت البطاطا من أجل تزكية الطبق و لأنهم يفضلونها عليه (الشوفلور) ،وقليت البعض منو في الزيت مع البيض وهو المفضل عندي ،ولما بقالي عملت بيه هاد الطبق حتى لا نرمي أي مكون أو سلعة من مطبخنا 👍#لا_للتبذير هذه الأيام كل حاجة بقيمتها 🤔😤