نجيب اولا وعاء كبير نحط فيه السميد تاعي ونحط على جنب الملح ونشكل حفرة فالوسط نحط فيها الزيت وبجنبها الخميرة ونرش عالسميد السينوج ونبدا نبسس ونلم بالماء الدافي ونلم العجينة تاعي ونحطها تتعجن قليلا ثم نطفي ونخليها تختمر ومن بعد نرجع نعجنها مليح فلعجان او باليد مليح ونبقا نعجن ونطري بالماء او الحليب

بعد ماعجنت العجينة تاعي مليح نحطها غلى طاولة العمل وندعكها مليح باليد ونشكلها كرية ونجيب سينية الفرن ندهنها بالزيت ةنبدا نخبز الخبزة تاعي حتى تكبار وتولي حجم السينية

الخطوة التالية نخليها تختمر مجددا ومن بعد نجيب بيضة او صفارها نخلطها مليح ونطلي الخبزة تاعي مليح ونجيب شوكة ونشكل عالجوانب ونجيب سكين ونشكل خطوط ونرش عالخبز سينوج وجلجلان

ندخل السينة الفرن ونخلي الخبز يطيب من تحت ثم نشعل عليه يطيب من فوق حتى يحمار مليح ونخرجو وننزعو من السينية ونحطو على طرشونة ونخليه يبرد