نبدا بسم الله ونحضر الكيك تاعي نجيب صحن نخط فيه البيض ورشة ملح ونحط السكر ونبدا نخفق حتى يبياض الخليط بعد ذلك نضيف الزيت ونواصل الخلط ونحط خميرة الخبز ونبقا نخلط ثم نضيف الحليب ونخلط مليح ونحط الكاكاو ونبدا نخلط ثم الفرينة مغربلة والخميرة الكيميايئة

بعد ماتخلطت الكيكة مليحة نجيب مول مسكوتشو ندهنو بالزبدة مليح ونرشو بالفرينة ونفرغ الخليط فيه وندخلو الفرن تطيب من تحت ونشعللها تتحمر شوي من فوق ونخرجها

الخطوة التالية كي تبرد نقلبها من المول ةنحطها فوق صينية ونخليها على جنب

الان نحضر صوص الشكولا نجيب خلاط كهربائ نحط فيه نصف كاس شانتي مع نصف كاس سكر ونصف كاس زيت ونغلق الخلاط ونبدا نخلط مليح ثم نضيف حوالي نصف كاس ماء ونواصل الخلط حتى نتحصل على صوص شكولا هايلة انا اختيارية ظفتلها م ك نوتيلا

نجيب الكيكة تاعي ونبدا نغلف فيها بصوص الشكولا مليح ونرش عليها قوفريط مرحي وقطع من الموز على جنب وندخلها الثلاجة تتماسك

اخيرا هذا شكل الكيكة تاعي جات تشهي خفيفة وطمع الصوص هايل