نبدا اولا بتحضير المرق نحط في طنجر بصل وثوم مرحيبن ونحط ملح والتوابل المذكورة ونحط م ك زيت وقطع دجاج انا عملت غير صدر ونحطو عالناؤ يتقلي مليح بعد ذلك نحط م ك طماطم ونقلي مليح ونضيف بعد ذلك البطاطا بعد ماقطعتها الى قطع

بعد ماتقلات مليح نمرقها بالماء ونخليها تطيب

الخطوة التالية نحط الشفلور تاعي في طنجرة ونحط عليه ماء وملح وم ك كركم ورشة فلفل اسود ونحطو يغلي حتى يطيب بعد مايطيب نصفيه من الماء ونحطو في كسكاس ونجيب شوكة ونربزو كامل

بعد ماطاب المرق تاعي نخرج اللحم ونحطو في صحن ونرجع للبطاطا تاعي نمعسها مليح في هذيك المرق مليح ثم نضيف الشفلور تاعي ونخلط الكل مليح

بعد ما خلطت الكل مليح نفتت هذاك اللحم ونضيفو عالبطاطا والشفلور ونحط عليه معدنوس مقطع وجبن قطع ونخلط مليح

بعد ذلك نجيب مول يدخل الفرن ونفرغ فيه الخليط تاعي ونسويه مليح ونرش عليه جبن مبشور وندخلو الفرن يغير ينشف ومن بعد نشعلو من فوق يتحمر ونخرجو

فالاخير نقسم القراتان تاعي الى مربعات ونقدمو في صحن التقديم