في وعاء ندير الماء والحليب والسكر والخميرة ومبشور الليمون وندير عليهم الكيسان تاع الفرينة ونخليهم يرتاحو من خمسة إلى عشر دقائق ومن بعد كي يرتاحو نضيف عليهم الزيت والبيض والفاني والملح وفي هاذي المرحلة نحركو مليح باش يندمج الزيت هذاك والبيض ومن بعد نكمل الكيسان تاع الفرينة لي بقاو

وحتى نتحصل على عجينة طرية وتلتصق في اليد ونقوم بدلكها مدة دقيقتين او ثلاث دقائق ونخليها تختمر ومن بعد كي تختمر نهبطولها الخمور ونشكلها شكل دائري ولا على شكل خبيزات طوال كل واحد وكفاش يحب يشكلها وندخلها للفرن طيب 180درجة ومن بعد نخرجها كي طيب نقسمو البريوش على زوج بعد ما يبرد ونحشيها بكريم باتسيير

لتحضير الكريمة في كاسرونة نديرو لحليب يسخن وفي وعاء ندير حبة بيض و2ملاعق ونصف كبيرة مايزينة (نشاء)و3ملاعق كبيرة سكر وقرصة صغيرة تاع الملح ونخلطهم مليح ومن بعد نضع عليهم الحليب الساخن ونخلط بسرعة ومن بعد نرجعو في الكسرونة ونخلطو مليح حتى تولي ثقيلة ومن بعد نطفي عليها ونديرلها ملعقة صغيرة فانيلا ونديرها في وعاء ونغطيها بكيس بلستيكي مليح ونخليها حتى تبرد ومن بعد نخلطوها بالفوي قبل ما نستعملوها