بسم الله النوع الأول

في بول ندير الحليب والماء الخميرة ونصف ملعقة كبيرة سكر والباقي فيما بعد فانيليا نخلطهم ونضيف كمية من الفرينة تقريبا نصف كأس نحركهم حتى يتجانس الخليط نغطي عليه ونخليه 10د يخمر ،بعدها نضيف السكر المتبقي أي ملعقة كبيرة نصف بيضة والزيت ومبشور الليمون الفرينة الخميرة نوارة والملح ونلم العجينه جي تتلاسق نضيف الزبدة ونعجنها 2د نغطيها ونخليها تخمر للمرة الاولى

بعد مرور 45د نعاود نهبطلها الطلوع ونخليها تخمر للمرة الثانية بعدها نحيها كي وزنتها لقيتها 600غ تقريبا قسمتها على 2 نستعمل القسم الأول (أما العجينة 2 نحطها في الوصفة المقبلة إن شاء الله).
ندير كريات بحجم 14غ حتى نكمل الكمية لي عندي.

ندهن لي مول بالزبدة ،بعدها نحل العجينة باليد فقط ونعاود نجمعها من الأطراف حتى تتشكل كرية صغيرة وفي الداخل يكون لهوا نحط 4 كريات في المول ونخلي الفراغ بيناتهم باه يختامرو حتى نكمل الكمية لي عندي،نخليهم يخمرو حتى يتضاعف الحجم وندهنهم بالبيض والقهوة لي نكون خلطتهم مع بعض حبات نديرلهم الجوز في الوسط وحبات لا.

ندخلهم يطيبو ونزيد نحمرهم من الفوق كي يطيب نديموليهم وندهنهم بالمربى ونرش البيسطاش ورشة صغيرة سكر ناعم وبالصحة والهناء.