نبدا أولا بتحضير الشاربات ونحط في كسرونة 2كاس سكر و5كيسان ماء ونحط شرائح ليمون ونخلطها مليح ونحطها عالنار حتى تغلي ونقصو عليها ونخليها مدة ربع ساعة ونطفي عليها النار ثم نرجع نجيب صحن زجاجي نحط فيه البيض والسكر ومبشور الليمون والفانيلا

نجيب خلاط يدوي ونخلط مليح حتى يذوب السكر ثم نضيف الزبدة الذايبة والزيت ونخلط مليح ثم نضيف كاس الكاكاو وكاس الشابلير و2كيس خميرة كيميائية ونخلط مليح

ثالثا نضيف م ك معجون المشمس للخليط ونجيب سينية نحط فيها لي مول ونفرغ فيهم م ك ونصف من الخليط حتى نكملهم

نشعل الفرن حتى يسخن ثم ندخلهم يطيبو من تحت ونشعللهم من فوق ثم نخرجهم ونرجع الشاربات نضيفلها م ك معجون المشمش ونخلطها مليح ثم نفرغ كمية من الشاربات في كل مول ونخليهم يتشربو ثم نبدا نزين فيهم اختياري نجيب كاوكاو محمص ونحط كما فالصورة ونفرغ كمية من البيستاش فالوسط او نزين بالورد الشوش

فالاخير نحط حبات خبز تونس ونقدمها مع شاي نتمتا تجربوه جاء بزاااف نشرب وخفيف