نبدا بسم الله ونظف السمكة تاعي مليح ونخليها تقطر ونجيب لوح تقطيع ونحط عليه السمكة تاعي نعمل شرائح بالسكين ونحضر الدرسة تاعي نحط في صحن معدنوس مقطع وزنجبيل وملح وعكري حلو وحار وطماطم وفلفل اسود وزيت وعصير ليمونة ونصف كاس ماء ونخلط مليح

نجيب الدرسة تاعي ونحشي السمكة تاعي من داخل ونحط فالشقوق لي عملتها بسكين ثم نحط شرائح البصل ونجيب ورق شفاف ملف فيه السمكة ونخبيها فالفرن ليلة كاملة ولغدوة نطيبها بعد مرور ليلة كاملة نجيب سينية فرن ندهنها بالزيت ونحط شرائح البصل فالسينية وننزع الورق الشفاف ونحط السمكة

بعد ذلك نحط حبة طماطم حب مرحية ونضيف نصف كاس ماء وندخلها الفرن مسخن من قبل ونغطيها بورق الطهي ثم ورق المنيوم وندخلها تطيب

الخطوة اختيارية انا طيب معاها الأرز تقدرو تعملو بطاطا انا في كسرونة حطيت كمية من الماء والملح وخليتو يغلي ضفت نصف كاس ارز رشة كركم ورشة فلفل اسود ونخلي الأرز حتى يطيب ثم نصفيه بعد ذلك نشعل الفرن من فوق ونخلي السمكة تتحمر قليلا ثم نطفي عليها ونخرجها من الفرن

فالاخير نجيب صحن التقديم نحط أولا الأرز ثم نحط السمكة ديالي وكمية الصلصة على جنب وزينتها بشرائح ليمون ومعدنوس