بسم الله اللهم صل وسلم وبارك علي سيدنا محمد في كاسرول نضع الحليب والنشاء والفلان والفرينة نخلط كلش بارد في بارد ونضع الكاسرول على النار حتى يعقد الخليط لما يعقد الخليط نفرغو في صحن نغطيه بكيس بلاستيكي يلامس سطح الكريمة ودخلتها للثلاجة لما بردت تماما اضفتلها كأس غبرة شونتي وطلعتها بالباتور

لما طلعت الكريمة تاعي تحصلت على كريمة ليس وبزاف بنينة وكنت قطعت الفرولة اضفتلها سكر وتركتها تطلق العصارة تاعها

في كؤوس التقديم اول طبقة وضعت البيسكوي ثم الكريمة ثم الفرولة المقطعة كما موضح كملت كل الكمية

هنا كنت درتها تحلية لأمي وبعثتهالها بلا ما نصورها فرحت بيها ميمتي

لما عبأت الكؤوس تاوعي كنت قطعت قطع فرولة ووضعتها في واجهة الكؤوس

من بعد في كسرونة وضعت نص كأس ماء مع كيس فلان فرولة حطيتهم على نار يغلو لما غلى الخليط تركته دفى شوية وسكبتو في واجهة الكؤوس وقدمتها باردة ومنعشة جات بزااف بنينة

نعمة دايمة علينا وعليكم خياتي وتقبل الله منا ومنكم صالح الأعمال