نحضر عجينة الصابلي ونخليها ترتاح قليلا ثم نطبع بهاذ الشكل ونوضعها في فرن مسخن حتى تنشف فقط ننزعها نخليها تبرد

وفهاذ الاثناء نخفق الزبده جيدا مع السكر الناعم ثم نضيف بودرة الشانتي ممكن تعوضوها بالحليب ثم الكاكاو حتى تمتزج كل المكونات جيدا نوضعها فجيب حلواني وندير على حواف الصابلي ساير داير بنفس شكل المول ونترك فراغ فالوسط نعمرو بالكابريس ونعدل الحبات جيدا

كي نكمل نبدا نقلاصيهم بالشوكولاته الي ضفتلها القليل من الزيت وقبل ماتنشف الحبه نرش عليها بودرة الكاكاو بالصفايه ونرش القليل من الملمع الذهبي

بعدما تنشف الحبات نزينها بالريشه الي لونتها بالملمع الذهبي