في وعاء نفرغ محتوئ علبة التليتلي ندهنها بالقليل من الزيت ونضعها في كسكاس قدر البخار يتفور

بعدما يفور نشمخو في الماء لي غلا عليه حتى تنتفخ الحبة نصفيه من الماء نخليه يستقطر منبعد نزيد ندهنو بسوي زيت وملح ونرجعو يتفور

في كوكوط نضع قطع الدجاج نشوحهم ونضيف ما ك زبدة +ملعقة كبيرة زيت ونقليه جيداً نضيف بصلة مرحية وثوم مسكرفجة (مفرومة) ونقلي نضيف الملح والتوابل والطماطم المرحية وم ك طماطم مصبرة وملعقة صغيرة هريسة ونقلي جيداً

نقلي جيداً ثم نمرق بكمية من الماء ونضيف الخضر

كي تطيب اي تستوي المرقة نصفي الدجاج والخضر ونحمرهم في شوي زبدة وزيت

نطيب تليتلي المفور ونجمرو في المرقة على نار هادئة حتى يطيب ونزينو بالدجاج والخضر لي حمرتهم والفلفل الأخضر مقلي وبيض مغلي* وشهية طيبة*