نبدا بسم الله ونحط 4بيض مع رشة ملح ونخفق قليل ثم نضيف كاس سكر ونخفق مليح حتى يبياض الخليط ثم نحط مبشور ليمون ونصف كيس فلان ذوق فانيلا ونخلط الكل مليح ونضيف كاس ونصف زيت ونخلط مليح

بعد ذلك نجيب الفرينة و2 كيس خميرة الحلوى ونخلط حتى يتلم الخليط ونتحصل على عجينة طرية ثم نجيب سينيات فرن ندهنهم بالزيت ونشكل 2حربوش في كل سينية

فالسينية الاخرى نشكل 3حربوش ونخليها ترتاح ثم نجيب حبة البيض لي بقات ونزيدلها م ص كاكاو ونخلط مليح وندهن حبات الكروكي ونشكل خطوط بالشوكة ونزين بفارميسال شكولا ملونة ونشعل الفرن ونخليه يسخن ونحط. يطيب من تحت ثم نشعلو يتحمر من فوق ونخرجو ونجيب سكين ونقسمو

فالاخير نحط حبات الكروكي في سينية ونخليه يبرد ويقدم مع الحليب وقهوة العصر