إفتح في تطبيق كوكبادالخطوات
- 1
نضع في الكسرونة ماء ،زريعة البسباس ،شنان،حبة حلاوة ونخليهم يغلو منبعد نصفي كأس ونخليه يبرد.
- 2
نضع في وعاء السكر والحليب وكأس الماء الطايب بالعشوب وخميرة الخبز ونخليهم يتفاعلو مدة 10 دقاءق.
- 3
منبعد نزيد عليهم الزيت وحبة بيض ،لفاني، قشور الليمون ،الملح ونخلطهم مليح نزيد الفرينة والخميرة الكيميائية ونخلط ونبقا نزيد فالفرينة حتى نتحصل على عجينة تتلاسق نخليها 10 دقاءق ونولي ندلكها بالكف غير شوي ونخليها ترتاح شوي ونعاود نكسرلها الخمور مرة أخرى منبعد نخليها تخمر مليح وهي مغطيا.
- 4
منبعد كي تخمر نقسمها كويرات صغار ونخليهم ربع ساعة يرتاحو.
- 5
كي يرتاحو نجيب شوي زيت نغطس صبعي في الزيت ونتقبها في الوسط ونحلها كيما حبة السفنج ونڨرسها شوي ونقطعها بالمقس في الجوانب ونحطها في الصينية نكمل كامل الحبات بنفس الطريقة ونغطيه ونخليه يخمر.
- 6
منبعد ما يخمر نضرب حبة بيض مع شوي قهوة أو حليب ونطلي كامل الحبات ونرش عليهم السكر والجنجلان ثم ندخلهم الفرن ،نشعلو من الاسفل والاعلى.
وصفات مشابهة
وصفات ننصحك بمشاهدتها
التعليقات (8)