نبدا بسم الله ونجيب عجينة مورقة جاهزة نرش طاولة العمل بالفرينة ونحل العجينة بالحلال ثم نجيب صحن نحط فيه كمية مليحة من الجبن الطري ونحط عليه 2 م ك زيت و2م ك حليب ونخلط مليح حتى نتحصل على كريمة

بعد ماحليتو العجينة المورقة على شكل مستطيل نجيب كيس حلواني ونفرغ فيه كمية من الجبن ونشكل خطوط عريضة كنا فالصورة ونغلق ولفتين ونصف ونقطع بالسكين ونغلق مليح ونقصهم الى اجزاء حتى نكمل كامل العجينة ونحطهم فوق ورق الطهي وندهنهم بصفار البيض

نشعل الفرن يسخن وندخل المانشو يطيبو من تحت حتى ينتفخو مليح ثم نشعل لهم من فوق يتحمرو ثم نوجد جبن مبشور ونخرج الحبات ونحطهم يبردو

بعد ماطابو وبردو نغطس الحبات من الاطراف فالمايونيز ونحطها عليهم جبن مبشور

فالاخير شكل حبات المانشو قدمتهم مع شربة فريك جاو بزاف خفاف