نبدأ بسم الله ونجيب ريسبسيون نحط فيه 2كاس فرينة ونضيف عليهم ما ك سكر وم ك خميرة الخبز وم ص ملح ونخلطهم ثم نضيف ربع كااس زيت ونبسس العجينة مليح

نبدأ نضيف فالحليب الدافي تدريجيا ونلم ثم نضيف بياض بيضة ونعجنها مليح ونغطسها بورق شفاف ونخليها تختمر

بعد مااختمرت العجينة نحطها على طاولة العمل ونقسم العجينة الى 2كرات متساويين ونبدا نحل الكرة الاولى

بعد ماحليت الكرة الاولى نحطها فوق ورق طهي ونحطها في سينة فرن ونسويها مليح من الجوانب ثم نحط كمية من صلصلة الطماطم تسخن انا كانت عندي جاهزة من قبل

نحط كمية الصلصةفوق العجينة ونحلها مليح ثم نحط كمية مليحة من جبنة شيدر ثم نحط كمية ربع صدر دجاج مقطع كنت قليتو من قبل

بعد ذلك نحط كمية من الزيتون الاخضر شرائح ونضيف كمية اخرى من جبنة شيدر ونعاود نحل الكرة الثانية بنفس الطريقة ونحطها فوق الحشو ونحاول نرقق حواف العجينة الثانية ونغلق الفطيرة تاعي كيما اي مثل في الصورة

ندهن الفطيرة بالحليب ونحط عليها معدنوس مقطع رقيق وسينوج ثم زيتون اسود ونشعل الفرن يسخن وندخلها تطيب اي تستوي من تحت ثم نشعللها من فوق تتحمر مليح

فالاخير نخرجها من الفرن ونخليها تبرد تماما ونقصها الى مثلثات ونقدمها في صحن التقديم كوجبة مع حساء خضار