نبدأ بسم الله ونجيب نصف صدر دجاج ونجيب مقلاة نحط فيها ما ك زبدة وم ك زيت ونحطها على النار ونقسم نصف صدر الدجاج على اثنين ونحطو في المقلاة ونحط ملح وتابل دجاج وتوابل شاورما ونقليه مليح ثم نجيب نصف كاس ارز نغسلو مليح بالماء ونخليه على جنب

نبقا نقلب فالدجاج حتى يطيب مليح من كل الجوانب ونحط. على لوح تقطيع ونخليه يبرد

نصفي الأرز وفي نفس المقلاة نحط الأرز تاعي

نخلط الأرز مليح في المقلاة ونحط عليه تابل ارز وتابل شاورما ونخلط مليح ثم نضيف ما ص طماطم مصبرة

نقلي الأرز مليح ثم نضيف سنات ثوم مرحيين ونضيف 2كاس ماء ونغطي الأرز ونخليه يطيب مليح حتى يتشرب كل الماء ويطيب مليح

نحط الأرز بعد ماطاب في صحن ثم نقطع اللحم الى قطع صغيرة ثم نحضر كريمة الجبن نحط كاس حليب وم ك زبدة وم ك نشاء ونخلط بارد في بارد ونحطها على النار ثم نضيف كمية مليحة من جبن طري ثم جبن مبشور ونخلط حتى تثقال ونطفي عليها النار

نجيب خبز التورتيلا ونحط كمية مليحة من كريمة الجبن ثم كمية من الأرز ونحلو مليح ثم نحط كمية من الدجاج ثم كمية من كريمة الجبن

نغلق خبز التورتيلا كما في الصورة ونطيبو انا الاولى طيبتها فالبلنيناز اما الباقي الحبات جيت مقلاةحطيت فيها ما ك زبدة ولفيت السلندويتشات في ورق الطهي

طيبت البوريتو في المقلاة وبقيت نقلب فيه حتى تتحمر من كل الجوانب حتى نكمل انا الكمية تاع الدجاج والارز خرجتلي 4حبات بوريتو

الشكل النهائي السندويتش البوريتو المكسيكي جاء بزاف بنين