نبدأ بسم الله ونجيب طنجرة نحط فيها قطعة دجاج ونضيف عليها البصل والثوم مرحيين ونحط كمية من الحمص ونضيف عليهم الملح والفلفل الاسود والزنجبيل والكركم وم ك زيت ونحطها على النار تتقلى مليح

نمرق بالقليل من الماء ثم نجيب 3حبات بطاطا نغسلها ونقطعها شرائح رقيقة نوعا ما ثم نقليها في الزيت

نمرق الطنجرة بالماء ونخلي الحمص يطيب مليح ثم نجيب مقلاة نحط فيها ما ك زيت ونحطها على النار ونحط الدجاج تاعي بعد مارحيتو فالاشوار ونتبلو بنفس التوابل ونخليه يتقلى مليح حتى يطيب

بعد ذلك نجيب مول نحط فيه ورق طهي ونحط طبقة من البطاطا فالاسفل وفالجوانب كذلك ثم نرجع نفرغ الحشو تاعي نضيفلو جبن قطع وونجيب حبة بيض نضيف عليها نصف كاس حليب وم ص خميرة الحلويات نخلطهم مليح

نفرغهم مباشرة على الحشو ونخلطو مليح ثم نفرغ في المول عالبطاطا ونحط كمية البطاطا المتبقية

نشعل الفرن يسخن وندخل الرولي يطيب حتى ينشفو السوائل لي فيه ونشعلو الفرن من فوق يتحمر فقط ونخرجو

بعد ماخرجت الرولي من الفرن نفرغو من المول ونجيب صحن التقديم ونقلب الرولي فيه

فالاخير نسخن المرق تاعي ونحط كمية من المرق والحمص ونزين الرولي بجبن مبشور ومعدنوس مقطع