تارتولات بذوق الموز 🍌 (تصلح للمشاريع)
تارتولات بذوق الموز 🍌 (تصلح للمشاريع)
إفتح في تطبيق كوكبادالخطوات
- 1
🌺 بسم الله 🌺 👈نحضرو المكونات اللازمة
- 2
🍴في إناء نحطو جميع المكونات الزبدة (من الأفضل نخرجوها قبل ، طرية برك ماشي ذايبة)، الزيت الماء،السكر،الخل و رشة الملح
- 3
نخلطو بالميكسور مليح حتى تطلع كيما المايونيز.و تقدرو تستخدمو باتور لكن الاحسن ميكسور و المهم تطلع مليح
- 4
نضيفو الفرينة بالتدريج و نلمو بيدينا بلا مانعجنو حتى نتحصلو على عجينة طرية كيما قلتلكم الفرينة نحاول المرة الجاية إن شاء الله نقيسلكم بالكاس
- 5
نشعلو الفور 180 درجة فالوقت لي نشكلو فيه لي تارتولات
- 6
بالنسبة للمول تاعي حجمهم كبير يديرولي 25 حبة إذا كانو صغار توصل ل 40 (لي عندها ميزان أنا نوزن حوالي 50غ -المول الكبير -)
- 7
كي نشكلوهم بصوابعنا نثقبوهم بالفرشيطة باه ميتنفخوش.📌و للأمانة أنا فبعض الأحيان حتى كون نثقبهم يتنفخو فالفور نولي نخرجهم و نزيد نثقبهم. 📌و متنساوش الأطراف أيضا اثقبوهم
- 8
كي يطيبو و يديو اللون لي حابينو حنا (إذا محمرين و لا بيض) نخرجوهم و نخلوهم يبردو باه نحيوهم من لي مول
- 9
🍴فالوقت لي يكونو يطيبو نوجدو الكريمة
- 10
نحطو في كصرونة الحليب و النشا و السكر و ندوهم على نار هادئة حتى يعقاد الخليط
- 11
نزيدو الزبدة و عطر الموز (أنا نشري لي جيو في قرعة صغيرة ب 10 آلاف تديرلكم كمية كبيييرة لأنو في كل مرة نخدمو بقطرة ولا زوج)
- 12
و نفرغوها في صحن و لا كاش حاجة باه تبرد بعد ما نغلفوها بورق شفاف (اكيد تا المطبخ)
- 13
و من جهة أخرى نطلعو الشونتيي مع الياغورت نقيسو الشونتيي بنفس الباطة تا الياغورت
- 14
🍴كي تبرد الكريمة جيدا نخلطوها شوي بالباتور و نزيدو الشونتيي بالشوي حتى يولي قوام كريمي و حاكم روحو
- 15
📌قادر متديلكمش الكمية تا الشونتيي كاملة لذلك ضيفوها بالتدريج 📌متكثروش التخلاط بالباتور باه متحبطش الكريمة
- 16
نعمروها في بوشات و نزينو ملفوق بأي فاكهة عدنا
- 17
📌لي عندها سوبر كرام ذوق الموز تزين بيه (تخلطو مع الماء) 📌بالنسبة للعجينة تقدرو تجمدوها بصح منخلوهاش تطول و كي تعودو رايحين تستعملوها اجبدوها قبل باش تذوب
- 18
شهية طيبة اخواتي 🌹 و أي سؤال خلوه فالتعليقات، نستنى تجاربكم
وصفات مشابهة
وصفات ننصحك بمشاهدتها
التعليقات (2)