نبدا بسم الله ونجيب نصف صدر دجاج نقطعو مربعات والبطاطا كذلك ثم نقلي البطاطا ونرجع للحم نحطو في صحن ونقوم بتتبيله نحط عليه ملح وفلفل اسود وزنجبيل وكركم وم ك موطارد ونخلطو مليح ونخليه نصف ساعة

بعد ما قليت البطاطا في نفس المقلاة نقوم بانقاص الزيت ونقلي اللحم في المقلاة

بعد ماطاب اللحم نفرغو مباشرة في مول يدخل الفرن هو والبطاطا ونجيب صحن نحط فيه الحليب وحبة البيض و2م م جبن طري ونخلط مليح ثم نفرغو مباشرة فوق الدجاج والبطاطا نشويه مليح ونحط كمية من جبن مبشور

نغطي المول بورق طهي مبلل ثم نحط فوقها ورق المنيوم ونشعل الفرن يسخن من قبل ونحط المول في سيينة الفرن وندخلو من تحت حتى ينشف فقط ونشعل عليه من فوق ولازم ننزع ورق الطبخ وورق الالمنيوم ونخليه يتحمر مليح ونخرجو ونخليه يبرد ونقدمو والف صحة وعافية

فالاخير شكل الڨراتان تاعي سهل وسريع التحضير دون تعقيد