نبدا بسم الله ونجيب كاس ارز بسمتي نحطو في صحن ونغسلو بالماء مليح ثم نخليه يتشمخ مليح نرجع نجيب كسرونة واسعة نحط فيها م ص ملح وم ص كركم نحطها عالنار كي تغلي نصفي الأرز ونضيفو ونخليه يطيب

نرجع نجيب مقلاة نحط فيها م ك زيت ونحطها عالنار تسخن ثم نحط ربع صدر دجاج مقطع مربعات صغيرة نضيف عليه ملح وفلفل اسود وتوابل الدجاج ونخليه يتقلى مليح ثم نضيف عليه كاس صلصة طماطم جاهزة صنع منزلي

نخلي الصلصة تطيب مليح مع الدجاح ونطفي النار ثم نجيب صحن صغير نقص فيه كمية من المرق وقطع الدجاج ونترك كمية من الصلصة فالمقلاة ونحط عليها كمية الأرز بعد ماطاب وصفيتو

نخلط الأرز مليح فالمقلاة مع المرق حتى يتشرب المرق مليح ثم نجيب مول سلسكيون شكل قلب ونفرغ فيه كمية الأرز ونجيب صحن التقديم ونقلب الأرز فيه

فالاخير نفرغ كمية المرق والدجاج فالوسط ونقدمو الف صحة وعافية هذي كانت وجبتي للعشاء سهلة وسريعة لاني رجعت من الشغل تعبانة كتير