نبدأ بسم الله ونجيب رسبسيون نحط فيه 2بيض مع رشة ملح ونصف كاس سكر ونخفق مليح ثم نضيف نصف كاس زيت

نواصل الخلط مليح ثم نضيف ما ك فانيلا وكاس الا ربع حليب دافئ ونواصل الخلط

نجيب 2كأس فرينة مغربلة نضيف فالاول كاس ونخلط ثم نضيف الکاس الثاني مع كيس ونصف خميرة الحلوى ونخلط مليح ثم نضيف ما ص من عطر الليمون الاصفر لتعزيز اللون

نجيب المول العجيب ندهنو بالزبدة ونرشو بالفرينة ونفرغ الخليط فيه مباشرة ونسويه مليح ويكون الفرن ساخن من قبل ندخل الصينية تطيب اي تستوي اي تستوي

نخرج الكيكة بعد ما نضجت ونقلبها فوق صحن دوار خاص بالكيك ونخليها تبرد تماما

نجيب كسرونة نحط فيها عصير 2حبات ليمون (نتحصل على نصف كأس من عصر 2حبات ليمون) نصفيهم ونضيف عليهم نصف كاس ماء وكاس ناقص إصبع سكر ونخلط مليح

نضيف مبشور ليمون ونخلط جيداً من جهة اخرى نحط في صحن حبة بيض نخلطها مع ما ص فانيلا و2م ك نشاء

نخلط النشاء مع البيض جيداً ثم نضيف خليط السكر والليمون عليه ونرجعو فالكسرونة ونخلط مليح حتى يذوب النشاء تماما

نحط الخليط على النار ونبقا نحرك حتى يثقال نطفي النار ونضيف عليه 100غ زبدة

نخلط الزبدة جيداً ونحط ما ص من عطر الليمون الاصفر لتعزيز اللون والذوق ونفرغ الكريمة فوق الكيكة ونسويها مليح وندخلها الثلاجة تبرد

فالاخير التزيين اختياري انا زينتها بورود من شانتيه وشرائح ليمون وعنب أحمر