اول حاجة نديرها نغسل برقوق اسود مع زبيب اصفر ونديره في كسكاس مع مغرف صغيرة سكر باش يجي حلو ويطيب عسل يفور حتى يتضعف الحجم ويولي لون بني

ومن بعد نجيب قصعة كبيرة فيها رطل طعام مع مغرف صغيرة ملح وزيت عادي نحبكه بأيدينا من بعد ندير كاس ماء عادي ونخليه حتى ينشف تماما من نبعد نحله بمغرف كبيرة زيت عادي وندهن كسكاس بزيت ونحط طعام فيه حتى يفور تفويرة اولى من بعد نحطها و نحله بملعقة 🥄 وندير كاس ونصف ماء بارد 🧊 ونخليه حتى ينشف تماما ونحله بايدينا وندهن طعام بزيت عادي ونحطه يفور مرة ثانية

من بعد نحطه ونحله بايدينا ونرش قليلا من ماء بارد 🧊 ونحط عليه مغرف صغيرة 🥄 زبدة طرية ونديره يفور مرة ثالثة من بعد نحطه في قصعة كبيرة ندير مغرف كبيرة🥄🧈زبدة طرية ونخليه حتى يذوب ونحرك كلشي بايدينا

من جيهة أخرى نجيب زبيب وبرقوق لي فار من قبل وهو سخون ندير مغرف صغيرة 🥄🧈 زبدة طرية مع رشة قرفة مطحونة ونجمة ارض ورشة صغيرة ماء زهر ونحرك كلشي مع بعض نخلطه بطعام مفور وبيض مغلي تقدرو ضيفو اي نوع مكسرات لي تحبوها ونقدموه في صحن تقدم شهية طيبة للجميع 😋🤤🤤🤤