نبدا بسم الله نجيب رسبسيون نحط في 2كاس ماء دافئ نضيف عليه ملعقة سكر وملعقة خيمرة الخبز ونخلط مليح ثم نضيف نصف كاس زيت

نخلط جيدا حتى يندمج الزيت ثم نبدا باضافة الفرينة بالكأس وم ص ملح ونلم العجينة حتى نكمل 5كأس طحين ونصف

نلم العجينة ونغطيها بورق شفاف ونخليها تختمر ثم نجيب نصف صدر دجاج نقطعو قطع صغيرة جيدا

نرجع نجيب مقلاة نحط فيها 4م ك زيت ونحطها عالنار ونضيف الدجاج ونرش عليه القليل من الملح

نقلي الدجاج جيدا حتى ينضج ومن جهة أخرى نوجد كمية جيدة من جبن مبشور وجبة فلفل حار قطع صغيرة (يفضل فلفل الوان اذا توفر) انا في المنطقة وين نسكن غير موجود

نطفي عالدجاج ونرجع العجينة بعد ما اختمرت جيدا نرش سطح العمل بالفرينة ونحط العجينة فيه

نقص العجينة إلى 12قطعة ونجيب سينية نحط فيها ورق طهي ونشكل العجينة الى كرات كل 6كرات في سيسنة

نرجع نبسط كرات العجينة إلى دوائر كما هو موضح فالصورة ونغطيهم بطرشونة ونخليهم يختمرو مرة أخرى

بعد ما اختمرو نجيب صلصة طماطم نحط في كل عجينة كمية مليحة من الطماطم ثم نضيف كمية مليحة من الجبن مبشور

بعد ذلك نحط قطع الدجاج المقلية والفلفل الحار مقطع رقيق وكذلك شرائح الزيتون حتى نكمل 12كرسة

نشعل الفرن يسخن جيدا ثم ندخل السينية الأولى تنضج من تحت ثم نشعللها تتحمر من فوق ونخرجها ونكمل السينية الثانية بنفس الطريقة

فالاخير نقدم مملحات الدجاج في صحن التقديم مع حساء الخضار او شربة فريك يمكننا تحضيرها الشهر الفضيل انا دائما في شهر شعبان أحضر الوصفات اللي راح اطبخها في الشهر الكريم عشان اجربها قبل