بسم الله الرحمن الرحيم، اول شي لازم تكون قاعدة عندنا هو لازم قبل ما نبدأ طبخ لازم نحط قدر ماء على النار ليكون جاهز عند مرحلة التمريق

الخطوة الضرورية الثانية هي اننا بعد ما نقطع القرنينة نغليها في ماء وشوية ملح حتى تستوي ونخليها جانبا

نأخذ قدر كبير عائلي نضع الزيت والسمن ونقلي اطراف الدجاج حوالى عشرة دقائق ثم نحط البصل والطماطم بنوعيها مع الملح وكل البهارات ونقلب حتى تطلع ريحة الدجاج والتقليه

السر هنا هو اننا لا نمرق بالكمية اللازمة من الماء بال بقليل من الماء فقط نغطي اطراف اللحم ونرمي عليها الحمص والجزر فقط ونخلي الدجاج يستوى تماما بعدها نخرجوه من المرق

لما نخرج الدجاج نكمل التمريق بالماء المغلي وهنا نحط القرنينة التي غليناها مسبقا ونحط الكوسة ونخلي المكونات تستوي

طبعاً الكسكس لازم هنا يكون فورناه التفويرة الاولى في البداية قبل ما ينضج الدجاج ونعيد التفويرة بعد وضع الكوسة والقرنينة ولما يفور نفتتو مليح وندهنو بزيت الزيتون او زبدة حيوانية

طريقة التقديم سهلة نضع كمية من الكسكس في صحن ونغرف المرق مع الخضار ونتناوله بالصحة والعافية مع قطعة دجاج 👌