أولاً جيبي طبق عميق وحطي فية الدقيق والخميرة والسكر والحليب البودرة ورشة الملح وقلبيهم مع بعض كويس جداً وبعد كدة ضيفي الحليب الدافي والخل والزيت وضيفي الماء بالتدريج وأعجني العجينة كويس لحد لما تتكون معاكي عجينة ملساء وبتلزق شوية أعجني حوالى 7 دقائق متبخليش على العجينة في العجن عشان تكون حلوة معاكي 😍

غطي العجينة بعد كدة وسيبيها تختمر لمدة ساعة وبعد كدة قسمي العجينة الى كرات صغيرة متساوية في الحجم وحطي الكرات على مفرش سيليكون او صينية كبيرة مرشوشة بالدقيق وغطي كل الكرات عشان متنشفش وبعد كدة خودي كرة من العجين وأفرديها بإيدك حبة وحطي فيها حشوة الجبنة ممكن جبنة فيتا او ميكس جبن زي ماتحبي وممكن تغيري في الحشوة حسب رغبتك وقفلي العجينة بحيث يكون شكلها زي الصورة 😍

جيبى صينية مناسبة وإدهني الصينية بالزيت وحطي فيها البوريك وخلصي كل الكمية بالشكل ده وسيبي البوريك يختمر تاني لمدة 15 دقيقة وبعد كدة ادهني وجة البوريك بالحليب ورشي عليه حبة البركة أو زعتر أو سمسم ودخلي الصينية الفرن على درجة حرارة 200 لمدة 15 دقيقة تقريباً ولما يستوي خرجية من الفرن وغطية بفوطة مطبخ نظيفة لمدة 10 دقائق عشان يكون طري وهش معاكي وقدمية بعد كدة لكل عيلتك هيعجبوا بيه جداً جربيه أكيد هيعجبك😍

😋😋😋😋😋♥️