نبدأ على بركة الله، في إناء نحط البصلة المفرومة مع التوابل (الملح حسب الذوق، الكركم، الفلفل الأسود، سكين جبير ورشة خفيفة من الزعفران) مع 2 ملاعق كبار زيت وعود قرفة، نخلطهـم مليـح مليـح حتـى تتجـانس كـل المكونـات.

نضيـف عليهـم قطع اللحم وندخـل ذيـك التتبيلة جيدا في قطع اللحم نغلف الإناء ببابي فيلم وندخلو للثلاجة مدة ساعتين، كي يفوت الوقت نجيب قدرة الفخار (الطين) 🥰، نحط فيها قطع اللحم المتبلة.

وما تبقّى في الإناء نفرغ عليه ماء يكون غالي ونعاود نفرغو فوق اللحم، ثم نضيف حبة طماطم مقطعة على أربعة من فوق

ونغطي بورق الزبدة كنت نفختو بالماء ومن فوق زدت غلقت بورق الألمنيوم.

دخلت القدر إلى الفرن المسخن مسبقا على أعلى درجة مدة نصف ساعة وكي فاتت نص ساعة نقصت عليها النار وخليتها أقل من المتوسط إلى هادئة مدة ساعتين.
ملاحظة مهمة: ✔كي فاتت ساعتين فتحت عليها صبتها عاد خاصها شوية كملت لها نصف ساعة أخرى يعني مدة الطهي في الإجمال ساعتين ونصف.

بعد ما وجد اللحم وطاب سربيتو في صحن التقديم.
ملاحظة مهمة: ✔ يطلق المرقة مع أنو ماضفناش بزاف الماء، وتجي بزاف بنينة وخاثرة

وزدت زينت الصحن بحبات القرقاع (الجوز)، اللحم يجي طايب زبدة والأهم من ذلك يجي بزاف بنين😋👌🏻😋.
وقدّمتــو بألـف صحـة وهنـــا 😘🌹😘