نبدأ على بركة الله أولا باللحم المفروم، في مقلاة حطيت شوية زيت تسخن رميت فيها البصلة مقطعة رقيق، خليتها على نار متوسطة حتى ذبالت ثم ضفت اللحم المفروم كان عندي في المجمد.

غلقت عليه وخليتو يطيب على خاطرو، حتى نشف تقريبا من كل السوائل، من بعد ضفت الملح والتوابل (الفلفل الأسود، الكركم، سكينجبير، وتابل البوراك) وخلطت الكل جيدا حتى انساجمت كل المكونات.

ثم ضفت كاس أرز مسلوق كان باقي من وجبة سابقة خلطت الكل جيدا، وضفت ملعقة صغيرة مزيج بين القصبر والمعدنوس مطحونين خلطت الكل جيدا وطفيت على النار.

فرغت الخليط في صحن وضفت عليه 2 ملاعق صغار من الجبن الطري يمكن تعويضه بالجبن مثلثات، خلطت الكل جيدا، وخليتو بجيه يبرد مليح.

كي برد الحشو، قسمت دائرة الديول على إثنين، وعاود طويتها بالطول على إثنين وحطيت لحشو في الطرف ولفّيت على شكل مثلث (كيما الصامصة).

عمّرت كامل الديول اللي عنـدي بنفس الطريقـة، فـي مقلاة حطيت شوية زيت وخليتهـا تسخـن من بعد حطيـت البوراك ونقصـت شويـة على النـار وخليتـو يتحمـر من كل الجوانب.

واللي تتقلى نحيها ونحطها فوق ورق ماص، حتى كملت كل الكمية اللي عندي.

وقدمتو بألف صحة وهنا 👌🏻😋👌🏻 يجي بزاف بنين 😋👌🏻😋وشهية طيبة للجميع 🥰