نبدأ على بركة الله، في إناء نحط التوابل مع حبة البصل المقطعة رقيق أو مبشورة والثوم مرابي والطماطم المقطعة قطع صغيرة جدا، نخلط الكل جيّدا، ونخليها بجيه.

في هاذ الوقت كنت حطيت قطع من راس الخروف في طنجرة فيها ماء وملح وورقات رند مع نص حبة بصلة مقطعة عشوائي وحطيتهم يتسلقو، حتى يطيبو بنسبة 90 بالمائة طفيت عليه وصفيت القطع خليتهم حتى دفاو شوية دهنتهم مليح مليح بالتتبيلة.
ملاحظة: كنت 👈🏻حطيت طريقة التنضيف والتقطيع بالتفصيل يمكن تفقدها من خلال هذا الرابط👇🏻.

ديت 2 ملاعق كبار من التتبيلة وضفتهم للبطاطا كنت نقيتها وغسلتها وقطعتها دوائر خلطت التتبيلة مع البطاطا، ستفتها في الصينية (استعملت قالب البايركس) ضفت ملعقة كبيرة زبدة، وحطيت قطع راس الخروف.

ثم ضفت لما تبقى من التتبيلة ربع كاس ماء وفرغتها على جنب الصينية، غطيتها بورق الزبدة ومن فوق ورق الألمنيوم ودخلتها للفرن المحسن مسبقا.

كي فاتت 20 دقيقة حليت عليها وصبتها مزال فيها شوية مرق عاود غطيتها بورق الطهي فقط ورجعتها للفرن مدة 10 دقائق نشفت شوية عقدت وتحمرو قطع راس الخروف.

يجي بزاف👍🏻 بنين😋 لحم الراس 🐏طري جداً كـي الزبدة مع صلصة غنية ونكهة مميزة، شهية طيبة للجميع😋🐑😋.