🎉 صابلي العيد خفيف بمرڨرين🌻😋
وصفة لعراس👰💍الوصفة لأم وليد جد نآجحة، واقتصادية، تقطع 100حبة ملصقة متنوعة💐هذي هي الوصفة اللي تسلك👌 بدون ڨلاصاج كمانفضلها..كي تبات تصبح هشة ورطبة 😄 وهذه العجينة هي الأفضل لكل انواع الصابلي ولكل المناسبات💍والأعراس💯 (تشبه وصفة صابلي المناسبات👰 الموجودة بحسابي)
-وهنا طوابع أم وليد كبآر.. كيتصغري الحبة (كالدمعة أوالقلب المائل.. تعطيك إلى 140حبة. وتصلح تخلطي باليد فقط.
🎉 صابلي العيد خفيف بمرڨرين🌻😋
وصفة لعراس👰💍الوصفة لأم وليد جد نآجحة، واقتصادية، تقطع 100حبة ملصقة متنوعة💐هذي هي الوصفة اللي تسلك👌 بدون ڨلاصاج كمانفضلها..كي تبات تصبح هشة ورطبة 😄 وهذه العجينة هي الأفضل لكل انواع الصابلي ولكل المناسبات💍والأعراس💯 (تشبه وصفة صابلي المناسبات👰 الموجودة بحسابي)
-وهنا طوابع أم وليد كبآر.. كيتصغري الحبة (كالدمعة أوالقلب المائل.. تعطيك إلى 140حبة. وتصلح تخلطي باليد فقط.
الخطوات
- 1
بسم الله، في غيسيبيون أو كيروانة (كبيرة عميقة وضيقة) حطي علبة المارڨرين بحرارة المطبخ + نفسها زيت + نفسها سكر + نصف العلبة بيض + مغرف ك. معمرة مليح فانيلا
ونخلط بالباتوغ جيداً حتى يصبح القوام كريمي ولكي لا تخرج الزيت من العجينة.
(الوصفة بلا نشاء ومع ذلك تجي هشيشة جداً وكأنه فيها👌👌
- 2
في هذه المرحلة افرغ الخليط في جفنة واسعة وأضيف كأسين فرينة وفوقهم كيسين خميرة ونخلط.
إذا تحبي اديري واحد بني نحي جزء من هذا الخليط ورجعيه فالغيسيبيون باش تضيفيلو الكاكاو البني المر وشيحي بالفرينة
(نصف الكمية فيها ملعقتين كبيرتين كاكاو)
- 3
نضيف الفرينة ونخلط حتى تصبح عجينة طرية مانشيحهاش بزاف.
ونبدا نحلها بالحلال نفرشلها نيلو ونغطيها بنيلو ثم نحلها بسمك نصف سم(0,5سم) لا أقل..يعني طالعة. ونطبع بشكل قلب...كي تحبيه بومبي اطبعي فوق النيلو وكل مرة هزيه مع الطابع وعاودي حطيه واطبعي(لاحظي الفرق في طبع العجينة البنية)
- 4
واطبعي أوفال سامبل ومشرشف..وعدة أشكال أخرى.ويمكن نخلي النيلو فوق العجينة ونطبع فوقه باش تجي بومبي💓...وطيبيه مليح. ثم لصقيه بالمعجون(أنا رطل معجون مسخن لصقهولي كامل(حوالي130حبة) استعملتو في الوسط فقط👍). وخليه ينشف ربع ساعة...أو لصقيه وخبيه✔ وإذا تحبي تزينيه في الغد إن شاء الله وهو المريح ✔
- 5
✴ إذا تحبي سخني علبة صغيرة شامية حتى تذوب وتصبح سائلة وخلطيها مع رطل معجون ولصقي بيها.
أو بلا تسخين (بارد في بارد) وخلطيهم مليح حتى تصبح كريمة👍 هي أفضل من كريمة الزبدة بكثيير😃..
- وتقدري تستعملي هذه الحشوة أيضا في الوصفة الررررائعة:-💥صابلي الزيت😃💕 خفيف يذوب في الفم👇-الموجودة بحسابي-وهي وصفة ممتازة أيضا للعيد👍 وبكميتين صغيرة.. وكبيرة(كيلو سكر- 1لتر زيت بآااردة- 12بيضة - 6فاني - 3خميرة فقط تكفي) 😋
- 6
💗وأسهل طريقة 👈لصقيهم وزيني بخطوط شوكولاته فقط (لا نوادكوكو لا معجون لا سكر ناعم ولكن تكون الحبة مشرشفة ومعجون أحمر في ثقب الوسط)
- 7
ولتزيين القلب ادهني الجوانب بمعجون ثم رمديهم في كاوكاو (فول سوداني) (فول سوداني) (فول سوداني) (فول سوداني) محمص ومطحون ،أو ڨوفريط مطحون(يستحسن بذوق الشوكولاتة اطحنيه مليييح بيدك فالعلبة قبل ما تحليها)..أو رشي الوجه بسكر ناعم بصفاية (امسحي عليهم مسحة خفيفة بانسو فيه لاجولي أو الناباج أولا.
- 8
والأجمل والمريح طريقة تديريه كامل مش مثقوب وتزيين سهل ورائع👌
- 9
وللعلم علبة شوكولاته 200غ تڨلاصي حوالي40حبة (ديري فيها 4أو3مغارف زيت/كل 100غ بملعقتين زيت) في الشتاء، أما في الصيف ماتزيديش الزيت إطلاقا.
و يفضل دادا بالحليب والباقي أغلب النوعيات الجديدة مرة المذاق !... نوعيتين مختلفتين من الشوكولاتة وكلتاهما مرة !!
- 10
أو اطلي السطح بمعجون وحطيه في كاوكاو (فول سوداني) (فول سوداني) (فول سوداني) (فول سوداني) محمص مطحون🌸
📌كيتحبي تلصقي الحبة المثقوبة حطي المعجون بكثرة في الوسط وحطيها مباشرة فوقه👍 - 11
(#وأشير إلى أن الوصفة بنفس المقادير في العجينة بالضبط (يمكن تخلطيها بيدك فقط 👋، بلا باتير) وتقسميها على12جزء👌= 12 نوع من الڨاطو😍😍والتزيين بريستيج وبمختلف الأذواق والأشكال والأفكار ولڨلاصاج والسلكون..
- 12
وهذه العجينة رائعة وتخرجلك 6انواع ڨاطو أو حتى 12بهذه الكمية وقالت أنها أحلى من حلويات الأعراس، يعني وصفة العجينة موثوقة مئة بالمئة، وما عليك غير تنوعي في تغليفها وتزيينها عندما تريدين شكل لبريستيج....أو ديري شبيكة بخطوط شوكولاته بكيس حلواني مثل ام وليد في ڨاطو العيد....أو ديريهم بمعجون وحده 💞😋😍.....
او بنوادكوكو ملون عالجوانب فقط..ويفضل تفادي الشوكولاتة في الصيف تذوووب. - 13
ديري بطابع مشرشف ثم اطلي الوجه فقط بالمعجون ورمديه فنوادكوكو أو ڨوفريط.. والوسط ثقب معمر معجون.
- 14
تزيين الشكل الأوفال سامبل: ديريلو معجون عالجوانب باستعمال بانسو ورمدي في نوادكوكو ثم مرري عليها خطوط منكسرة من الشوكولاتة بكيس حلواني او بقرعة خاصة..بلا ثقوب في الوسط...أو رصي الحبات ثم ضعي الشوكولاتة ذايبة في كيس بلاستيكي عادي اثقبيه عدة ثقوب بعود أسنان ثم مرريه فوق الحبات المرصوصة بسرعة 👍.💐💐💐💐💐💐💐💐💐💐💐💐💐💐
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
أروع صابلي ممكن تجربوه 🇩🇿 😍 تشكيلة رائعة بعجينة واحدة (53 حبة) أروع صابلي ممكن تجربوه 🇩🇿 😍 تشكيلة رائعة بعجينة واحدة (53 حبة)
اعتمدو هذه الوصفة في أعيادكم و مناسباتكم عجينة مقرمشة و رائعة و تمد كمية معتبرة مع كل اسرار نجاح الصابلي للمبتدئات .ب 250غ مرغرين تحصلت على تقريبا كيلو و نصف صابلي . حوالي 53 حبة#حلوة_جافة #صابلي_العيد #حلويات #العيد
-
صابلي ذوق الليمون 🍋😋🍋 صابلي ذوق الليمون 🍋😋🍋
#فريق_حلوياتاللهم صل وسلم وبارك على سيدنا محمد، حبيت نشارك معاكم اليوم وصفة الصابلي بذوق الليمون قمة الإنتعاش بنة عظيمة لمحبي الليمون نتمنى يعجبكم، أمسية سعيدة أحبتي.
-
صابلي بذوق جوز الهند🐼🌺👍 صابلي بذوق جوز الهند🐼🌺👍
#حراير_الجزائر💞#كوكباد_العالمي💞#حضرها_اليوم_تناولها_في_رمضان💞#اخبزها_بحب💞صباح🌺🌺🌺من عاداتنا قبل شهر رمضان تحضير حلويات الصابلي وهذا راجع لاستهلاكنا قهوة بالحليب فالسحور وفالسهره لهذا سنشارك معكم ما سنتناوله في رمضانوصفة اليوم عبارة عن صابلي هش خفيف ضريف 😇 يذوب فالفم منكه بجوز الهند حضرناه في وقت وجيز اخذناه من طباخة اسبانيا مع إضافات قليله من عندنا لنعزز النكهة ونغير القليل من الصابلي المعتاد 👌😌اذا ملعقتين من الجوز الهند أعطت لنا نكهه مغايره وذوق اكثر من رائعمع لسق الحبات بالمربى مع عطر الفراوله ولا اروع من صابلي😋👌مع العلم الإضافات اختياريه والتزيين أيضا حسب المحبب للجميع 👍هي الطريقة الكلاسيكية المعتمدة عندنا لحلويات الصابلي خلط الزبده جيدا مع السكر حتى يذوب تماما ثم إضافة البيض والخلط المستمر حتى يتحول الخليط إلى كريميهنا نتوقف ونفتش😇 بالموجود فالبيت من الإضافات ونفكر بالمعطرات والمكسرات😊👍نحن عطرنا ما حضرناه بالفانيلا وبرش البرتقالولكم الاختيار 😇اعتنو بصحتكم وبراحة بالكم سلام 🌺💞👍
وصفات ننصحك بمشاهدتها
التعليقات (3)