نضع الفرينة والميزينة والفانيلا والملح في قصعة نخلطهم ثم نظيف السمن مع حبة بيض نخلطهم ونحاول ندخل لسمن في الفرينة ثم نظيف الماء الدافي مع ماء الزهر حتى تتلم العجينة ونعجنها قليلا

نقسم العجينة إلى 12كرية :
_من التحت درت 5 طبقات
_من الفوق درت 6 طبقات
_والأخيرة درتها للتزيين
_ للأمان فقط درت صينيتين اي عجينتين
_في كل صينية خرجتلي 63 حبة بقلاوة لأن هذه طلبية خطوبة
_نغطي العجينة ونخليها ترتاح ليلة كاملة

نأخذ العجينة نفتحها بالحلال مستعينا بالميزينة وبكمية كبيرة نحط 5طبقات وبين كل طبقة نضع كمية كبيرة من الميزينة ثم نفتحهم بالكامل مرة واحدة على شكل مستطيل لان الصينية نتاعي مستطيلة الشكل

بواسطة الحلال نرفع ورقة ورقة ونضعها في الصينية تكون مدهونة بالسمن وبين كل طبقة ندهن بالسمن حتى نشكل 5طبقات

نوجد الحشو:في إناء نحط اللوز مع الكاوكاو نظيف السكر والقرفة والفانيلا والزبدة نخلط ونشمخه بماء الزهر ونخليه يرتاح

نفرغ الحشو بالتساوي على كامل السطح ونعدله ثم نرشه بقليل من السمن الذايب ونضع باقي العجينة ونشكل طبقات بنفس المراحل الأولى وبين الطبقات ندهن بالسمن حتى نشكل 6طبقات

نخليه يرتاح ثم نقطع مربعات 4 ×4 سم ونزين خليت طبقة من العجين درت شكل كوكياج ونثبتها بحبة لوز
ندهنها بالسمن وندخلها الفرن يكون مسخن مسبقا على درجة الحرارة 180°
تطيب من التحت نشعل من الفوق حتى تتحمر نخرجها من الفرن مباشرة نعسلها

الحشو 1كلغ 200غ اذا العسل 1كلغ200غ نخليها ليلة كاملة

ثم نقطعها ونضعها في كيسات

والف صحة وعافية