نطلع بياض البيض بالخلاط كهربائي مع قرصة ملح وعطر اللوز بسرعة متوسطة لما تبدا تتكون رغوة نبدأ نضيف السكر العادي غير بلعقل مع تحريك المستمر بعد ما نكمل كميه السكر نزيد السرعة حتى نتحصل على كريمة ثقيلة لما نقلبها لا تقع (ما تسيلش)

ثم نبدأ نضيف الخليط الفرينة و السكر و ندخلها غير بلعقل من تحت للفوق كيما اي مثل نعملو في الجينواز

ثم نبدأ عمليه مكاروناج نبدأ نخلط من الحواف و نجبد في الوسط مع المسح نكرر العمليه حوالي عشرة مرات حتى نتحصل على خليط ثقيل و يسيل بدون تقطع

نلون الخليط باي لون تفضلوه يكون اما غبرة أو جال و نحط الخليط في كيس حلواني و نعمل ثقب صغير أو قمع الخاص بالمكارون نحط ورق الطهي صينيه و نثبتو بالكريمة و نعمل اقراص لازم اليد تكون افقيه

نحاول نخبط الصينيه 4 مرات بلطف حتى نخرجو الهواء وا كانت فقعات صغيرة نحاولو نحوهم و نخلوها ترتاح ساعة حتى نحس الكريمة نشفت من الفوق

نسخن الفرن متوسط حرارة على 140 ثم ندخل الصينيه 15 دقيقة من احسن يكون فرن فيه مروحة وادا ما فيه مروحة نخلي فتحة صغيرة في الفرن

ثم نلسقها باي كريمة(كريمة الزبدة أو موس شوكولاته أو شوكولاته الطلاء أو حتى المعجون) نقدموها للاطفال أو حتى نزينو بيها تورطات أو ديسار 🌹صحة و عافيه 🌹

من احسن بياض البيض في ثلاجة يومين أو ثلاث ثم نخرجوه ساعة قبل استعمال هدا يزيد في لمعان لي مكارون