نبدأ على بركة الله، نحط شوية زيت في طاجين الطين نخليه يسخن ونضيف عليه الثوم مرابي نقليه شوية ثم نضيف عليه الطماطم المصبرة حتى هي نقليها شوية (باش تروحلها ذيك القروصية)، ثم نضيف الطماطم المرابية نخلط الكل جيداً ثم نضيف التوابل (الملح حسب الذوق، الفلفل الأسود، الفلفلة حمرة) نخلط ونضيف ربع كاس ماء ساخن نغطي ونخليها طيب (تستوي) على نار متوسطة.

في هاذ الوقت نقي (البطاطا والكوسة) ونغسلها، نقطع البطاطا مكعبات صغيرة أما الكوسة نقطعها شرائح دائرية كما هو موضح في الصورة، نقليهم في زيت ساخن ونحطهم فوق ورق ماص ونرش عليهم القليل من الملح.