نبدا بسم الله ونحضر العجينة نحط في ريسبيون الزبدة مع صفار بيضة وحبة بيض كاملة والسكر الناعم و2م ك كاكاو بني ونخلط جيدا ونبدا نضيف فالطحين وموص خميرة كيميائية ونخلط جيدا حتى نتحصل على عجينة متماسكة

نجيب مول المهراس ونشكل كرة في كل مول ونحلها على المول حتى نكمل كامل العجينة نحطهم في سينيات فرن ثم نحضر الحشو الاول نحمص حوالي رطل كاكاو ورطل جوز

نجيب كريمة البندق بذوق الشوكولاتة نضيف عليها كمية. من الكاكاو المحمص والمرحي نعمر بيها المول ثم نضيف كمية من الكاكاو المحمص والمرحي ناعم لكسر اللون ونحط كمية في كل مول

نجيب شوكولاتة طلي نحطها على حمام مائي تخفاف ونضيفلها جوز محمص كسرتو قليلا نخلط جيدا ونبدا نعمر لي مول من فوق حتى نكمل كامل الكمية

نجيب ورق ذهبي نطوي الورقة على نصفين ثم على أربعة ونشكلها على ظهر المول كما في الصورة تأخذ شكل كيسات

نعمر كامل لي مول بنفس الطريقة ونحطهم في سينة حتى يتماسك مليح

فالاخير شكل قاطو المهراس بريستيج مع BAC شكل للتزيين هذا الحلوى حضرتها في نجاح حفل ابن اختي تحصل عل شهادة البكالوريا